Les mots surlignés font l'objet d'une note
1Monsieur, après que jey receu votre lettre et le double
2de celle que le roy vous a escript, en ay receu
3une aultre de vous par maistre Jehan Le Tailheur,
4avec ung paquet que monsieur le president
5Truchon mescripvoyt, dont vous mercie très humblement.
6Mondit sieur le president me mande que de son
7bon pourtement et quilz ont plus desperance à la
8guerre que à la paix. Je prie Dieu qui nous
9soyt en ayde, car vous ne serez sans poyne,
10et vouldroys estre sy heureux de vous pouvoyr
11fère quelque bon service. Je pence bien que
12la venue de monsieur de Maugiron ne fera guières
13davantaige que les aultres et trouvera quil
14aura affaire à des gens bien oppiniastres. Beaufort
15mescript que madame la mareschalle de
16Dampville a une fiebvre cottidienne qui la
17fort tormentée. Dieu mercy, elle luy dymynue
18fort, et à ce que jentens, sy la fiebvre la
19laissée ung coup, elle est deliberée sachemyner
20à Merlon pour fère ses couches. Je croys bien
21quelle aymeroyt mieulx encores demeurer en ce
22monsieur le mareschal. Se ma esté un grand
24[[70 v°] bien de ce quil vous a pleu me mander que
25monsieur le mareschal de Montmorancy est
26fort bien au près de leurs magestés. Au soyr
27bien tard, lon mescript que ceulx de la
28religion avoyent prins Malossène qui est auprès
29de Carpentras et quilz avoyent entreprinse
30suz Avignon qui a esté descouverte et en a
31ton print quelques ungs. Je ne scay sil est
32vray. Que sera la fin, après vous avoyr
33supplyé me commander votre vouloyr pour icelluy
34toute ma vie acomplir daussy bon cueur que
35me recommande très humblement à votre bonne
36grace. Priant Dieu,
37monsieur, que vous aye en sa garde. De votre maison
38de Montoyson, ce premier febvrier 1574.
39Votre très humble et aubeysant
40Servyteur montoyson